TYRE (Tabernacle Youth Reconnect)
Sa ki anba la a se yon powèm orijinal an franse frè nou Joel Dort ekri . Se yon akwostich kote premye lèt chak vè se yon lèt nan non Tabènak lè yo li vètikalman. Tabènak se ansyen legliz pifò nan nou te mache. Nou ba ou tradiksyon powèm lan an kreyol men ou ka li vèsyon fransè orijinal la lè w vizite paj fransè a.
Eglise Baptiste du Tabernacle- Notre ancienne église
"Pasaj mwen nan Legliz Tabènak" - Joel Dort
T-oulejou, nou te la, piti kon gran
A-nba bouch sila yo ki t ap anseye
B-on pawòl tout jèn yo te renmen tande
E-nfatigab, Wi! Nou te gen anpil
R-ezistans ak tout jèvrin jenès nou
N-anpwen obstak ki te ka ni souke ni kraze kamaradri nou
A-la bon tan nou te rete la te bon
C-hak moun te viv tankou frè ak sè nan laj tandrès yo
L-a, nan Legliz Tabènak, nou tout te akeri Sajès pawòl Bondye
E -lajwa moman jenès nou p ap janm bliye.
Tradiksyon Henri-David Eustache & Tarah Merceda Roch
Nan mwa avril 2021, nou fonde TYRE (Tabernacle Youth Reconnect), yon gwoup ki gen prèske 50 moun, pifò ladan yo se ansyen manm asosyasyon jèn legliz peyi nou Ayiti. Objektif prensipal nou antanke gwoup se te onore ansyen pastè nou an, ki te ban nou anpil bon ansèyman. Apre seremoni omaj la, anpil nan nou te reyalize enpòtans pou nou rete konekte pou kolabore ak sipòte youn lòt. Nou kwè fèm ke lè nou travay ansanm, Bondye ap sèvi ak nou pou pote chanjman pozitif. Depi nou rekonekte a, nou te santi yon dezi fò pou nou ede peyi nou an retou. Nou fè yon don 5 mil 200 dola pou kontribye nan amelyorasyon edikasyon e pou sipòte kominote a. Anplis de sa, nou manifeste anvè frè ak sè nou solidarite ak bonkè pandan moman difisil. Nou kwè menm ti jès ka gen gwo enpak.
